2026-жылдагы айыл чарба каттоосу Кыргызстанда кандай өтөт, Улуттук статистика комитети айтып берди

‹›

Кыргызстанда 20-марттан 10-апрелге чейин айыл чарба боюнча эсеп жүргүзүлөт. Бул чечим өткөн жылы өкмөт тарабынан кабыл алынган, анын максаты – маалыматтарды сапаттуу жана так чогултуу.

Айыл чарба эсептин маанилүүлүгү жана өткөрүү тартиби тууралуу Биринчи радиодо Улуттук статистика комитетинин орун басары Зайнидин Жумалиев жана статистикалык эсептер жана геоакпараттык системалар бөлүмүнүн башкы адиси Бактыбек Орозбаев маалымат беришти. Алардын айтымында, айыл чарба эсеп – бул өлкөнүн айыл чарба тармагынын абалы жана структурасы тууралуу толук, объективдүү жана актуалдуу маалымат алуу үчүн өткөрүлүүчү чоң масштабдагы статистикалык иш-чара.

Эсептин негизги максаты – агрардык секторду колдоо үчүн натыйжалуу мамлекеттик саясат жана программаларды иштеп чыгуу үчүн ишенимдүү статистикалык база түзүү. Жыйналган маалыматтар Кыргызстандагы азык-түлүк коопсуздугун камсыз кылуу жана айыл чарбаны туруктуу өнүктүрүү үчүн маанилүү инструмент болот.

Зайнидин Жумалиевдин маалыматы боюнча, айыл чарба эсептери 10 жылда бир жолу өткөрүлөт. Соңку эсеп 2003-жылы жүргүзүлгөн, ошондуктан жакында боло турган эсеп тармактын учурдагы абалы тууралуу актуалдуу маалымат алууга мүмкүндүк берет. Иш-чара аяктагандан кийин анын жыйынтыктары Улуттук статистика комитетинин сайтында жарыяланат.

Бактыбек Орозбаевдын билдирүүсүнө караганда, даярдык иштеринин алкагында республикалык жана райондук комиссиялар түзүлгөн. “Айыл чарба эсептери электрондук форматта өткөрүлөт. Республикалык комиссия тарабынан төрт эсеп формасы бекитилген: айылдык аймактар, мамлекеттик фермердик чарбалар, жеке короолор жана дыйкан-фермер чарбалары, дача участкалары”, – деди ал.

Бул эсеп айыл чарба тармагын өнүктүрүү жана азык-түлүк коопсуздугун камсыз кылуу үчүн маанилүү кадам болуп саналат.