Экономика министрлиги өнөр жайды өнүктүрүү боюнча чараларды ишке ашыруу планын сунуштады

‹›

Кыргызстандын 2030-жылга чейин өнүгүү программасын ишке ашыруунун негизги куралдарынын бири 2026-жылга карата Министрлер кабинетинин иш-чаралар планын аткаруу болуп саналат. Экономика жана соода министринин биринчи орун басары Чоро Сейитовдун билдирүүсүнө ылайык, планда 670 иш-чараны аткаруу каралган, анын 166 пункту экономика жана соода министрлигине жүктөлгөн. Министрлик 86 иш-чарада негизги аткаруучу, 78 иш-чарада болсо биргелешип аткаруучу болуп саналат.

Планды ишке ашыруу үчүн министрлик бир нече багытта иштерди жүргүзүүдө. Алардын арасында индустриализация тармагы да бар. Мисалы, индустриалдык-технологиялык өнүктүрүү фондун түзүү, юридикалык жактардын профессионалдык билим берүү, кайра даярдоо жана кызматкерлердин квалификациясын жогорулатуу үчүн салык жеңилдиктерин караган Налогдук кодекске өзгөртүүлөрдү киргизүү боюнча мыйзам долбоорун иштеп чыгуу, 2030-жылга чейин өнөр жайды өнүктүрүү стратегиясын жана Кыргызстандын өнөр жай саясаты жөнүндө мыйзамды иштеп чыгуу пландаштырылууда.

Ошондой эле, жаңы технологияларды, продукцияларды жана кызматтарды өнөр жайда тестирлөө үчүн атайын жөнгө салынган режимди киргизүү, Чүй облусунун Сокулук районунда электромобилдерди өндүрүү заводуна куруу, Кыргызстандын аймагында өндүрүлгөн электромобилдерди сертификаттоо, өнөр жай кластерлеринин катышуучулары үчүн ар кандай багыттар боюнча атайын жөнгө салынган режимди түзүү, экономикалык стимулдарды иштеп чыгуу жана финансылык-кредиттик продуктыларды түзүү сыяктуу иштер да каралган.

Мындан тышкары, кластерлер үчүн экспорттук жана маркетингдик стратегияларды иштеп чыгуу, ЕАЭБ, ЕС, Кытай жана Жакынкы Чыгыш өлкөлөрүнө экспорттолгон продукцияны сертификаттоо жана стандартташтыруу үчүн лабораториялык инфраструктураны түзүү, стартап долбоорлорун мамлекеттик колдоо, улуттук эталондук лабораторияларды эл аралык таанылган органдар аркылуу аккредитациялоо жана техникалык регламенттердин талаптары бузулганда документтерди кайтарып алуу механизмдерин иштеп чыгуу пландаштырылууда.

Бүгүнкү күндө экономика жана соода министрлигинин коллегиясы өтүп жатат, ага Министрлер кабинетинин орун басары, суу ресурстары, айыл чарба жана кайра иштетүү өнөр жайы министри Бакыт Торобаев катышууда.