Ош облусунда жаштар арасында бокс боюнча Кыргызстандын чемпионаты башталды

‹›

Ош облусунда жаштар арасында бокс боюнча Кыргызстандын чемпионаты башталды. Бул тууралуу облус өкүлчүлүгүндө билдиришти. Иш-чаранын расмий ачылышына Ош облусунун башчысы Аманкан Кенжебаев катышты. Ал жаш спортчуларга ийгилик каалап, күчтүү оюнчулар жеңишке жетээрине үмүт артты. Ошондой эле, жарыштарды жогорку деңгээлде өткөрүүгө колдоо көрсөтүү максатында 200 миң сомдук сертификат тапшырылды.

Чемпионат 2012-2013-жылдары туулган жаштар арасында өтүп, 13-февралга чейин уланат. Соревнованияга 50дөн ашык жаш спортчу катышууда. Бокс – Кыргызстандын спорттук маданиятынын маанилүү бөлүгү болуп, жаштар арасында популярдуулугу артып келет. Жарыштар жаш спортчулардын өнүгүшүнө жана өлкөнүн спорттук аброюн көтөрүүгө чоң салым кошот.