Maalymat.kg сайтында жарыяланган материалдар жеке колдонуу үчүн гана арналган.
© 2024 - Иштеп чыккан Aura
Ноокатта дыйкандарды тамеки өстүрүүнүн заманбап технологияларына үйрөтүштү
Ноокат районундагы дехкан жана фермер чарбалары үчүн табак өстүрүү боюнча семинар уюштурулду. Семинарды айыл чарба өсүмдүктөрү жана бакчачылык боюнча экспертиза департаменти өткөрдү.
Семинарда фермерлерге табак өстүрүүнүн процессин, жаңы сорттордун өстүрүү шарттарын жана алардын технологиялык өзгөчөлүктөрүн түшүндүргөн маалыматтар берилди. Иш-чарага агрардык сектордун өкүлдөрү, дехканчылар жана фермерлер катышты.
Фермерлерге «Вирджиния» жана «Дюбек 44-07» сортторунун семеналары сунушталып, алардын өстүрүү ыкмалары жана түшүмдүүлүк көрсөткүчтөрү тууралуу маалымат берилди. Семинардын максаты – жергиликтүү фермерлер арасында заманбап агрономиялык практикаларды жайылтуу жана жаңы сортторду киргизүү аркылуу продукциянын сапатын жана түшүмдүүлүгүн жогорулатуу.
Иш-чаранын соңунда фермерлер өздөрүн кызыктырган суроолорго жооп алып, табак өстүрүү боюнча практикалык сунуштарга ээ болушту. Мындай семинарларды өткөрүү келечекте фермерлердин агрономиялык билимдерин жогорулатууга жана региондогу айыл чарба өндүрүшүн өнүктүрүүгө чоң салым кошот.
