Манас жана Токтогул райондорунда айыл чарба жарманкеси өттү

‹›

Манас жана Токтогул райондорунда айыл чарба продукциясынын соода ярмаркасы уюштурулду. Аталган иш-чара айыл өкмөттөрү жана агрардык өнүктүрүү башкармалыктары менен биргеликте өткөрүлдү. Жергиликтүү тургундарга арзан жана туруктуу баада эт, жашылча-жемиштер, ун, өсүмдүк майы, кант жана башка негизги азык-түлүктөр сунушталды.

Иш-чаранын негизги максаты – калкты сапаттуу жана коопсуз азык-түлүк менен камсыздоо, социалдык мааниге ээ азык-түлүк товарларынын бааларын туруктуу кармоо жана ички рынокту колдоо. Учурда республикада азык-түлүк коопсуздугу толугу менен камсыздалган. Социалдык мааниге ээ азык-түлүк товарларынын запастары жетиштүү, өлкөдө азык-түлүк жетишсиздиги жок.

Азык-түлүк коопсуздугу – бул мамлекеттин туруктуулугун камсыз кылган маанилүү факторлордун бири. Ошондуктан, мындай ярмаркалардын өткөрүлүшү айыл чарба продукциясын элге жеткирүүдө чоң роль ойнойт.