Джалал-Абад облусунда айыл чарба жарманкеси өттү

‹›

Манас жана Токтогул райондорунда айыл чарба продукцияларын сатуу үчүн кезектеги азык-түлүк жарманкеси уюштурулду. Бул иш-чара айыл өкмөттөрү жана агрардык өнүктүрүү башкармалыктары менен биргеликте өткөрүлдү. Жарманкеде жергиликтүү тургундарга арзан жана туруктуу баада эт, жашылчалар, жемиштер, ун, өсүмдүк майы, кант жана башка негизги азык-түлүктөр сунушталды.

Иш-чаранын негизги максаты – калкты сапаттуу жана коопсуз азык-түлүк менен камсыздоо, социалдык мааниге ээ азык-түлүк товарларынын бааларын туруктуу кармоо жана ички рынокту колдоо. Учурда республикада азык-түлүк коопсуздугу толугу менен камсыздалгандыгы белгиленди. Социалдык мааниге ээ азык-түлүк товарларынын запастары жетиштүү, өлкөдө азык-түлүк жетишсиздиги жок.

Азык-түлүк жарманкелеринин өткөрүлүшү жергиликтүү экономикага оң таасирин тийгизип, айыл чарба өндүрүшүн колдоого жардам берет. Мындай иш-чаралар калкка азык-түлүк коопсуздугун камсыз кылуу менен бирге, айыл чарба продукцияларын сатып алууга мүмкүнчүлүк түзөт.