Кара-Балта мэриясынын жамаатына жаңы мэр Алмазбек Исаков тааныштырылды

‹›

Бишкек шаарында, Чүй облусунун президенттик өкүлү Азамат Осмонов Кара-Балта шаардык мэриясынын жамаатына жаңы мэр Алмазбек Исаковду тааныштырды. Бул тууралуу облус өкүлчүлүгүндө билдиришти. Жыйындын жүрүшүндө Азамат Осмонов жаңы мэрдин кесиптик тажрыйбасын белгилеп, анын жетекчилиги астында муниципалдык кызматтардын иши шаарды туруктуу өнүктүрүүгө жана тургундардын көйгөйлөрүн чечүүгө багытталарына ишеним билдирди.

Ошондой эле, ал мэриянын жамаатынын биргелешип иштөөсүнүн маанилүүлүгүн, калкка болгон жоопкерчиликти жана өлкө жетекчилиги тарабынан белгиленген милдеттерди так аткарууну баса белгиледи. Алмазбек Исаков болсо, берилген ишеним үчүн ыраазычылык билдирип, шаардыктардын социалдык-экономикалык абалын жакшыртуу жана жашоо сапатын көтөрүү үчүн бардык күч-аракетин жумшарын айтты.

Шаардык башкаруу системасынын эффективдүүлүгүн арттыруу жана коомдук маселелерди чечүү үчүн мэриянын кызматкерлеринин ортосундагы кызматташтыкты бекемдөө маанилүү. Бул жаңы жетекчилик шаардын өнүгүшүнө оң таасирин тийгизет деп күтүлүүдө.