Бишкекте 12 жаңы көчө ачылат

‹›

Бишкектеги жол кыймылынын көйгөйлөрү жана аларды чечүү боюнча пландар тууралуу маалыматтар айтылды. Жогорку Кенештин депутаты Болот Борбиев Бишкектеги тыгындардын азайтууга багытталган чаралар жөнүндө суроо берди. Бул тыгындар шаардагы абанын булганышына да себеп болууда.

Премьер-министрдин биринчи орун басары Данияр Амангельдиев шаарды өнүктүрүү боюнча жалпы план иштелип жатканын билдирди. Бул планда жолдорду кеңейтүү, акылдуу светофорлорду орнотуу, магистральдар жана эстакадалык көпүрөлөр куруу сыяктуу иштер каралган.

Вице-мэр Рамис Алиев болсо, жалпы план боюнча белгилүү иштер аткарыларын айтты. “Бишкекте быйыл 120 чакырым жолду оңдоп-түзөө пландалууда, анын ичинде 6 көпүрө жана 3 жол айрыгы бар. Ошондой эле, коомдук транспортту жакшыртууга басым жасалат. 12 жаңы көчө ачылат”, – деди ал.

Шаарды өнүктүрүү жана жол инфраструктурасын жакшыртуу боюнча бул аракеттер Бишкектин транспорттук системасын натыйжалуу кылууга жана экологиялык абалды жакшыртууга багытталган.