Заслуженный велоспорттун устаты Георгий Петрашов дүйнөдөн кайтты

‹›

Кыргызстандын велоспортунун легендасы Георгий Георгиевич Петрашов 88 жашында дүйнөдөн кайтты. Бул тууралуу Кыргыз Республикасынын физикалык маданият жана спорт мамлекеттик агенттиги маалымдады. Спорт коомчулугу үчүн бул чоң жоготуу болуп калды. Георгий Георгиевич – СССРдин ардактуу спорт чебери, белгилүү машыктыруучу жана өз өмүрүн кыргыз спортунун өнүгүшүнө арнаган инсан.

Ал 13 жыл бою Кыргыз ССРинин велоспорт боюнча командасын жетектеп, келечектеги жеңиштер үчүн бекем негиз салган. Активдүү спорттук карьерасын жыйынтыктаган соң да, Георгий Георгиевич дүйнөлүк чемпионаттарда Кыргызстанды өкүл болуп, чыныгы чемпион үчүн жаштын эч кандай тоскоолдук жаратпасын далилдеди.

Анын спортко болгон берилгендиги уулу Евгений Петрашов жана небереси Денис Петрашов аркылуу улантылды. Алар эл аралык аренада өлкөнү намыстуу көрсөтүп, спорттук династияны улантууда.

Кыргыз Республикасынын физикалык маданият жана спорт мамлекеттик агенттиги Георгий Георгиевич Петрашовдун жакындарына жана туугандарына терең көңүл айтат. Анын жаркын элеси кыргыз спортунун тарыхында дайым жашап калат. Георгий Петрашов менен коштошуу аземи 5-февралда, саат 9:30да, Суеркулова көчөсү, 3-адресинде (КГМАнын морфокорпусу) өтөт.