Бишкекте жаңы турак жай конуштары пайда болот

‹›

Бишкектин «Тунгуч» микрорайону жана «Алтын-Ордо» жашоо массивинин айланасында жаңы микрорайондорду түзүү пландалууда. Бул тууралуу Бишкек шаардык архитектура башкармалыгынын жетекчиси Медербек Кыдырмаев маалымат берди.

Ал Свердлов районундагы «Бакай-Ата» жашоо массивинин чыгыш тарабында жашоочулардын сунушу боюнча чоң парк жана социалдык объекттер куруу пландалып жатканын айтты. Ошондой эле, Первомай районунда Түндүк айланма жол менен Фучик көчөсүнүн кесилишинде да ири парктарды түзүү сунушталууда.

«Бишкекглавархитектура» жетекчиси белгилегендей, бул демилгелер шаарды жаңыланган жалпы планга ылайык ишке ашырылууда. Алар шаардык чөйрөнү жакшыртууга жана коомдук жайларды өнүктүрүүгө багытталган.

Жаңы микрорайондордун курулушу шаарды жашоого ыңгайлуу кылып, жашоочулардын эс алуусуна жана коомдук активдүүлүгүнө шарт түзөт. Парк жана жашыл зоналардын болушу шаардык экологияны жакшыртууга да оң таасирин тийгизет.