Бишкек – Ош жолунда лавиналарды күчтөп түшүрүү башталды

‹›

Бишкек – Ош автожолунда 4-8-февралда кар көчкүларын алдын алуу үчүн артиллериялык аткылоо иштери жүргүзүлөт. Бул тууралуу Өзгөчө кырдаалдар министрлиги маалымдады. Иш-чаралар Отмок, Ала-Бель ашуусу жана Чычкан капчыгайында жүргүзүлөт.

Мамлекеттик органдар жарандардын коопсуздугун камсыз кылуу, материалдык зыянды алдын алуу жана транспорттук байланыштын үзгүлтүккө учурашына жол бербөө максатында атайын оперативдик топту бул аймактарга жөнөттү.

Министрлик, узак сапарларга чыгууда, айдоочуларды жана жүргүнчүлөрдү жол белгилерине, убактылуу тоскоолдуктарга көңүл бурууга жана жол кыймылынын эрежелерин так сактоого чакырат.

Кыш мезгилинде кар көчкү жана башка табигый кырсыктарды алдын алуу үчүн мындай иш-чаралар өтө маанилүү. Жолдордун коопсуздугун камсыз кылуу үчүн ар бир жаран өз жоопкерчилигин сезиши керек.