Министрлик жаш архитектурачыларды окутуп, санариптик сертификаттоо системасын киргизет

‹›

Бишкекте Жогорку Кенештин өнөр жай саясаты, транспорт, отун-энергетика комплекси, архитектура жана курулуш боюнча комитетинин жыйынында депутат Эркинбек Исеналиев жаш архитекторлорду даярдоо боюнча иштердин жүрүшүн сурады. Депутаттын айтымында, мамлекеттик мекемелерде кадрлардын жетишсиздиги байкалууда, ошондуктан жаш адистерди системалуу түрдө окутуу зарыл.

Курулуш министринин орун басары Талант Иманакун уулу министрлик тарабынан архитекторлорго берилген сертификаттар белгиленген нормаларга ылайык берилерин билдирди. Эгерде квалификацияда кемчиликтер же мыйзам бузуулар аныкталса, сертификаттар жокко чыгарылышы мүмкүн. Учурда 100дөн ашык сертификат жокко чыгарылган. Мурда сертификаттар катуу текшерүүсүз берилчү, азыр болсо жаңы санариптик система киргизилген. Ар бир талапкер экзаменден өтүп, белгиленген минималдык баллды алган учурда гана сертификат алат.

Жаш архитекторлорду даярдоо маселеси өлкөнүн архитектуралык өнүгүүсү үчүн маанилүү. Жаңы системанын киргизилиши адистердин сапатын жогорулатууга жана өлкөдөгү курулуш тармагындагы стандарттарды жакшыртууга жардам берет.