Бишкекте жаңы 25 кабаттуу бизнес борбору учак стилинде вертолеттук аянча менен курулат

‹›

Бишкекте жаңы, заманбап жана креативдүү 25 кабаттуу бизнес-борбор куруу пландалууда. Бул борбор «Авиатор» деп аталат жана ал шаардагы эң уникалдуу архитектуралык долбоорлордун бири болуп калат. Жаңы борбордо бизнес инфраструктурасы, мейманкана кызматтары жана авиациялык эстетика элементтери бириктирилет.

«Авиатор» долбоору авиация темасына ылайык жасалат. Анын ичинде бизнес аянтчалары, офисдер, ресторандар, бутиктер, мейманкана жана креативдүү индустриялар үчүн башка жайлар орун алат. Долбоордун өзгөчөлүктөрүнүн бири 25 кабаттуу имараттын чатырына вертолеттук аянтча куруу болуп саналат. Бул чечим борбордун концепциясын жана премиум кызмат көрсөтүүгө болгон багытын көрсөтөт.

Ошондой эле, Asman Airlines авиакомпаниясы Бишкек жана анын айланасындагы райондорго экскурсиялык жана бизнес вертолет рейстерин уюштурат. Компания жакын арада вертолет сатып алууну пландаштырууда.

«Авиатор» долбоору Бишкектин бизнес, инвестиция жана туристтер үчүн жаңы борбору болуп, заманбап, амбициялуу жана инновацияларга ачык шаарды символдоштурууга арналган», — деди ОАО «Аэропорты Кыргызстана» башкармалыгынын төрагасы Манасбек Самидинов.

Бишкектеги мындай долбоорлор шаарды өнүктүрүүгө, жаңы жумуш орундарын түзүүгө жана туристтик агымды көбөйтүүгө жардам берет. Жаңы бизнес-борбордун курулушу шаардыктардын жашоо сапатын жакшыртууга жана экономикалык өсүшкө салым кошот.