Астанада кыргыз киносуунун күндөрү өтүүдө

‹›

Астанада 29-январда Кыргыз Республикасынын Казакстандагы элчилиги жана Казакстан Республикасынын Маданият жана маалымат министрлиги биргеликте кыргыз киносу күндөрүн өткөрдү. Бул тууралуу Кыргызстандын Тышкы иштер министрлиги маалымдады.

Иш-чаранын ачылышында Кыргызстандын элчиси Кудайберген Базарбаев казакстандык көрүүчүлөрдүн кыргыз киносуна болгон кызыгуусун белгилеп, “Эне бутунун алдында” аттуу фильмдин 2024-жылы Казакстанда прокатта эң көп киреше тапканын эске салды. Казакстан тараптан Маданият жана маалымат министрлигинин Маданият комитетинин орун басары Сабит Барлыбаев маданий алмашуунун маанилүүлүгүн жана кыргыз кинематографисттеринин кесиптик деңгээлин баса белгиледи.

Иш-чарага Казакстандын Тышкы иштер министрлигинин өкүлдөрү, дипломатиялык миссиялардын башчылары, кыргыз диаспорасы жана Астанада академиялык алмашуу программалары боюнча билим алып жаткан кыргызстандык студенттер катышты. Ачылыш фильм катары режиссёр Актан Арым Кубаттын “Кара, кызыл, сары” аттуу тасмасы көрсөтүлдү. Фильм толгон залда көрсөтүлүп, көрүүчүлөрдүн жогорку кызыгуусун жаратты. Бул окуя казакстандык маалымат каражаттарында кеңири чагылдырылды.

Кыргыз киносу, өзүнүн уникалдуу стили жана мазмуну менен, эл аралык аренада да белгилүү болууда. Мындай иш-чаралар кыргыз маданиятын жайылтууга жана элдер ортосундагы достукту бекемдөөгө чоң салым кошот.