Нарын шаарында арзан баада эт сатылган муниципалдык дүкөн уюштурулду

‹›

Нарын шаарында жергиликтүү фермерлер тарабынан өндүрүлгөн эт азыктарын түздөн-түз сатууга мүмкүнчүлүк берген муниципалдык эт дүкөнү ачылды. Бул дүкөндө сатуучу баалар базардан төмөн, сапаттуу жана коопсуз эт азыктары сунушталууда.

Бул чара, коомчулуктун, анын ичинде социалдык жактан осол катмарынын азык-түлүккө болгон жеткиликтүүлүгүн камсыз кылууга, ошондой эле эттин баасынын негизсиз жогорулашын алдын алууга багытталган. Жергиликтүү фермерлер үчүн өз продукцияларын түздөн-түз сатууга шарттар түзүлүп, бул аркылуу ортомчу чынжырын кыскартууга жана өндүрүүчү менен керектөөчү ортосунда түз байланыш орнотууга мүмкүнчүлүк берилди.

Ошондой эле, республика боюнча башка аймактарда да ушундай муниципалдык соода жайларын уюштуруу пландалууда. Бул демилге айыл чарба министри Бакыт Торобаевдин тапшырмасы боюнча ишке ашырылууда.

Эт дүкөнүнүн ачылышы жергиликтүү экономикага оң таасирин тийгизип, айыл чарба продукцияларын сатууга жаңы мүмкүнчүлүктөрдү ачат. Мындай аракеттер, өлкөнүн азык-түлүк коопсуздугун камсыз кылууга жана бааларды туруктуу кармоого жардам берет.