Ташиев үч эмдүү үй-бүлөгө батирдин ачкычын тапшырды

‹›

Бишкекте жашаган жаш үй-бүлөгө эки бөлмөлүү батир берилди. Бул батир тройня төрөгөн үй-бүлөгө тапшырылды. Талас облусунан келген үй-бүлө, материалдык кыйынчылыктардан улам, жашоо шарттарын жакшыртуу үчүн жардам сурап кайрылышкан.

2025-жылдын 5-июлунда Бишкек мэриясына кайрылып, жашоого орун берүү өтүнүчүн билдиришкен, бирок шаарда каттоосу жок болгондуктан, жардам ала алышкан эмес.

Р.Сыргабаев жана анын жубайы М.Калиева 2024-жылдын ноябрь айынан бери никеде жана учурда ижарада жашашат. Р.Сыргабаев курулушта жумушчу болуп эмгектенет.

Тройнянын төрөлүшүн эске алып, демографияны жакшыртуу максатында, мамлекеттик комитеттин төрагасы Камчыбек Ташиев жаш үй-бүлөгө Бишкектин борбордук бөлүгүндөгү эки бөлмөлүү батирдин ачкычын тапшырды. Ал үй-бүлөгө бекем ден-соолук жана жаркын келечек каалады.

Р.Сыргабаев жана М.Калиева Ташиевге көп балалуу жана муктаж үй-бүлөлөргө көрсөткөн жардамдары үчүн ыраазычылык билдиришти.