Бишкекте жыл башынан бери дээрлик 300 адам тайгалактан жаракат алды

‹›

Бишкекте 2026-жылдын 1-19-январь аралыгында кар жаап, муз тоңгондо жаракат алган 295 адам медициналык жардамга кайрылган. Бул тууралуу Кыргызстандын Саламаттык сактоо министрлиги Спорттук-реабилитациялык борбордун травмпунктуна таянып билдирди. Жаракат алган адамдардын 227синде сынуулар, ал эми 68инде урунуп же тартылып жаракат алуу учурлары катталган. Сынуулар менен кайрылгандардын баарына гипс салынган.

Медициналык адистердин айтымында, жаракат алуунун негизги себеби – тайгак жерлерде, тротуарларда, баскычтарда жана жөө адамдардын өтмөктөрүндө кулап калуу. Ошондуктан, жарандарга муз тоңгон шарттарда жүрүүдө абдан этият болуу сунушталууда.

“Тайгак жерлерде жүргөндө шашпаш керек жана кескин кыймылдардан качуу зарыл. Аяктарга көңүл буруп, зарыл болсо токтоп, айлананы карап туруу керек. Жүргөндө буттар бир аз бүгүлгөн, дене алдыга карай бир аз ийилген абалда болушу керек. Музда колдорду чөнтөккө салып жүрүү кооптуу, анткени кулаганда тең салмакты сактоо мүмкүнчүлүгүн төмөндөтөт. Улууларга резина капкагы бар таякты колдонуу сунушталат.

Муз тоңгон жерлерде жолдун жээгинен алыс жүрүүгө, имараттардын дубалдарынын жанынан өтүүдөн качууга аракет кылуу керек, анткени алардын үстүндө муз катып, сосулкалар пайда болушу мүмкүн. Жолду кесип өтүүдө абдан этият болуп, жөө адамдар үчүн белгиленген өтмөктөрдөн гана өтүү зарыл”, – деп кеңеш беришет адистер.