АКШнын жаңы визалык талаптары боюнча Кыргызстандын жарандарына түшүндүрмө берилди

‹›

Кыргызстандык жарандар, Америка Кошмо Штаттарына туристтик жана бизнес визаларын (B-1/B-2 категориялары) алуу үчүн арыз берүүнү пландап жаткандар, жаңы талаптар тууралуу маалымдалууда. Америка Кошмо Штаттарынын Мамлекеттик департаментинин маалыматына ылайык, 2026-жылдын 21-январынан тарта, Кыргызстандын жарандарынан финансылык кепилдик катары 5 000 доллардан 15 000 долларга чейин сумма талап кылынат. Кепилдиктин так өлчөмү консулдук кызматкер тарабынан интервью учурунда аныкталат.

Ошондой эле, арыз берүүчү I-352 формасын, Америка Кошмо Штаттарынын Ички коопсуздук министрлигинен, консулдук кызматкердин көрсөтмөсү боюнча гана берүүгө милдеттүү. Кепилдик шарттары менен макулдугун онлайн платформа аркылуу, Америка Кошмо Штаттарынын Каржы министрлигинин Pay.gov сайтында тастыктоосу керек.

Мындан тышкары, финансылык кепилдиктин коюлушу виза алуу мүмкүнчүлүгүн камсыз кылбайт. Эгерде иммиграциялык статус өзгөрсө же Америкада болуу мөөнөтү ашып кетсе, кепилдик кайтарылбайт. Бул жаңы талаптар, өзгөртүүлөр күчүнө киргенден кийин берилген жаңы арыздарга гана тиешелүү.

Кепилдик менен виза алган жарандар, Америка Кошмо Штаттарына кирүү жана чыгуу үчүн төмөнкү аэропортторду гана колдонууга милдеттүү:
– Бостон шаарындагы Логан эл аралык аэропорту (BOS);
– Нью-Йорк шаарындагы Джон Ф. Кеннеди эл аралык аэропорту (JFK);
– Вашингтон шаарындагы Даллес эл аралык аэропорту (IAD).

Эгерде жогорудагы талаптар сакталбаса, Америка Кошмо Штаттарына кирүүгө тыюу салынуусу же чыгуу процессинин туура эмес жүргүзүлүшү мүмкүн. Бул талаптар, белгилүү бир өлкөлөрдүн жарандарынан визалык режимди бузуу учурларынын жогору болушу менен байланыштуу киргизилген.

Ошондуктан, Америка Кошмо Штаттарына барууну пландап жаткан жарандарга, визалык талаптар менен таанышып, виза алуу жана Америкада болуу шарттарын так сактоого, ошондой эле кабыл алуучу өлкөнүн визалык жана миграциялык мыйзамдарын бузбоого чакырат.