Ысык-Атин районундагы эки айылдын тургундарынын ортосундагы мушташ боюнча 29 адам милиция тарабынан кармалды

‹›

Чүй облусунун ички иштер башкармалыгына 2026-жылдын 2-январында Иссык-Ата районунун айылдык округдарынын биринин борборунда жаштардын ортосунда мушташ болгондугу тууралуу маалымат келип түштү. Бул окуя боюнча тиешелүү каттоо жүргүзүлдү. Окуя болгон жерге ыкчам тергөө тобу жана Иссык-Ата районунун милиция кызматкерлери дароо жөнөп кетишти.

Тергөө иштеринин жүрүшүндө милиция кызматкерлери окуяга катышкан бардык адамдарды аныкташты. Жалпысынан 29 адам ички иштер органдарына жеткирилди. Бул факт боюнча Кыргыз Республикасынын Кылмыш кодексинин 280-беренеси (“Хулигандык”) боюнча кылмыш иши козголду.

Тергөө учурунда мушташтын себеби бир дүкөндүн токтоочу жайында орун үчүн болгон талаштан улам чыккандыгы белгилүү болду. Автоунаанын айдоочусу менен башка автоунаанын жүргүнчүлөрүнүн ортосундагы сөз талашы кагылышууга алып келди.

Кыргыз Республикасынын Кылмыш-процессуалдык кодексинин 96-беренесине ылайык, 11 адам кармалды. Алардын арасында 1987, 1977, 2006, 2005, 1998 жана 1992-жылдары туулган жарандар бар. Мындан тышкары, коомдук тартипти бузган 18 адамга “Кылмыштар жана жоруктар жөнүндө” кодексинин 126-беренеси (“Кичине хулигандык”) боюнча протоколдор түзүлдү.

Учурда кылмыш иши боюнча тергөө иштери улантылууда, тиешелүү экспертизалар дайындалды жана тергөө аракеттери жүргүзүлүүдө.