Жаңы жылда Кыргызстанда 75 ичимдик ичкен айдоочу кармалды

‹›

Жаңы жыл күнү Кыргызстанда 75 айдоочу мас абалда унаа башкарганы үчүн кармалды. Бул тууралуу Ички иштер министрлигинин Жол кыймылынын коопсуздугун камсыздоо башкы башкармалыгынын маалымат кызматы билдирди.

Маалыматка ылайык, өлкө боюнча өткөрүлгөн рейддердин натыйжасында 3002ден ашык айдоочу жол эрежелерин катуу бузган. Анын ичинде 336 айдоочу белгиленген ылдамдыкты ашырганы үчүн жоопкерчиликке тартылган. Ошондой эле, жол эрежелерин бузгандыгы үчүн 602 унаа айып пул төлөөчү токтоочу жайга коюлган.

Республика боюнча 21 жол кырсыгы катталып, алардын көбү оор кесепеттерге алып келген жок. Жол кыймылынын коопсуздугун камсыздоо башкы башкармалыгынын өкүлдөрү кызматкерлер арасында эч кандай мыйзам бузуу болгон жок экенин белгилешти. Жол кыймылынын коопсуздугун камсыздоо маселеси жетекчиликтин жеке көзөмөлүндө турат.

Жол эрежелерин сактоо жана коопсуздукту камсыздоо – ар бир айдоочунун милдети. Жаңы жылдык майрамдарда жол кырсыктарын алдын алуу үчүн бардык жарандарга жоопкерчиликтүү болууга чакырабыз.