Maalymat.kg сайтында жарыяланган материалдар жеке колдонуу үчүн гана арналган.
© 2024 - Иштеп чыккан Aura
Кыргызстанда дарыгерлерге кезексиз 5 миң ипотекалык батир берилет
Кыргызстанда медицина кызматкерлерине 5 миң батир берилет. Бул тууралуу саламаттык сактоо министри Каныбек Досмамбетов өлкөдөгү балдар медициналык мекемелерине болгон сапары учурунда билдирди.
Министрдин айтымында, медицина кызматкерлеринин социалдык коргоосун күчөтүү, кадрларды системада бекемдөө жана медициналык кесиптин популярдуулугун арттыруу максатында, 5 миң ипотекалык батир берүү чечими кабыл алынган.
Ошондой эле, министр Садыр Жапаровдун колдоосу менен 2026-жылдын апрелинен баштап дарыгерлердин айлыгы 100 пайызга жогорулаарын эске салды. Бул кадамдар медицина тармагындагы адистердин шарттарын жакшыртууга жана алардын ишин ынталандырууга багытталган.
Медицина кызматкерлеринин жашоо шарттарын жакшыртуу, алардын кесиптик деңгээлин көтөрүү жана коомдук саламаттыкты сактоо системасын бекемдөө үчүн мындай чаралар абдан маанилүү.
