Кабинет министринин алдындагы Кеңеште илим жана геологияны колдоо чаралары каралды

‹›

Бишкекте өкмөт башчысынын жетекчилиги алдында илим, инновациялар жана жаңы технологиялар боюнча кеңештин жыйыны өттү. Жыйында өкмөт башчы Адылбек Касымалиев илим жана инновацияларды өлкөнүн туруктуу социалдык-экономикалык өнүгүүсүнүн, технологиялык көз карандысыздыгынын жана улуттук коопсуздугунун негизги факторлорунун бири катары белгиледи.

Жыйында илим тармагындагы учурдагы абал, көйгөйлөр жана келечектеги мүмкүнчүлүктөр боюнча маалыматтар угулду. Улуттук илимдер академиясынын ишмердүүлүгүнө байланыштуу мыйзамдык базаны жакшыртуу маселесине өзгөчө көңүл бөлүндү. Ошондой эле геология илимин мамлекеттик колдоо маселеси каралды.

Кеңеш жыйынынын жыйынтыгы боюнча бир катар чечимдер кабыл алынды. Кеңештин чечиминде илим жана геологиялык изилдөөлөрдү өнүктүрүү Кыргыз Республикасынын мамлекеттик саясатынын приоритеттүү багыты экени белгиленди. Өкмөттүн илим тармагындагы ишмердүүлүктү натыйжалуу жана эффективдүү жүргүзүү үчүн системалуу чараларды ишке ашыруу сунушталды. Бул чаралар мамлекеттик заказ механизмдерин өнүктүрүү, илим тармагына финансылык колдоону этап-этабы менен көбөйтүү жана ресурстарды рационалдуу пайдалануу, геология илимин модернизациялоо, кадрдык потенциалды күчөтүү жана илимий мекемелердин материалдык-техникалык базасын жакшыртууну камтыйт.

Илим жана инновациялар өлкөнүн келечеги үчүн маанилүү, андыктан бул тармакка көңүл буруу жана колдоо көрсөтүү зарыл.