Патрул милиция Бишкектин тургундарын жана айдоочуларын креативдүү куттуктады

‹›

Бишкек шаарындагы патрулдук милиция кызматкерлери жаңы 2026 жылдын келиши менен шаар тургундарын жана айдоочуларды куттукташты. Милиция кызматкерлери бул майрамды белгилөө үчүн символикалык түрдө «2026» санын түзүп, биригишти. Бул иш-чара шаардыктарга болгон урматтын белгиси катары уюштурулуп, милиция кызматкерлеринин коомдук тартипти жана жол коопсуздугун камсыздоо боюнча 24 саат бою иштеп жаткандыгын эске салды.

Патрулдук милиция кызматкерлери борбор калаанын тургундарына жол эрежелерин сактап, колдоо көрсөткөндүгү үчүн ыраазычылык билдиришти. Алар жаңы жылда ар бир үйгө тынчтык, бакубаттык, бекем ден соолук жана жолдордо коопсуздук келүүсүн каалашты.