Жаңы жылдын биринчи айында опера жана балет театрында эмне көрсөтөт

‹›

Кыргызстандын улуттук академиялык опера жана балет театры январь 2026-жылга арналган репертуарын жарыялады. Бул айда балдар үчүн музыкалык спектаклдер, классикалык балеттер жана опералар көрсөтүлөт.

3-январда К.И. Чуковскийдин «Айболит жана Бармалей» чыгармасы боюнча балдарга арналган музыкалык спектакль өтөт. Ошол эле күнү кечинде жаңы жылдык концерт уюштурулат. 4-январда дагы «Айболит жана Бармалей» спектакли көрсөтүлөт, андан кийин П. Чайковскийдин «Щелкунчик» балети сахналанат.

9-январда дагы «Айболит жана Бармалей» спектакли, ошондой эле жаңы жылдык концерт өтөт. 10-январда «Щелкунчик» балетинин дагы бир көрсөтүлүшү болот. 11-январда П. Вальдгарддын «Кошкин дом» спектакли, андан кийин кайрадан «Щелкунчик» балети көрсөтүлөт.

Мындан тышкары, 17-январда Н. Давлесовдун «Аста секин: колукту!» музыкалык комедиясы, 18-январда П. И. Чайковскийдин «Лебединое озеро» балети, 24-январда балет кечеси, 25-январда Дж. Вердинин «Травиата» операсы, жана 31-январда Г. Доницеттинин «Театральные порядки и беспорядки» опера-фарсы көрсөтүлөт.

Театрдын репертуарында өзгөртүүлөр болушу мүмкүн. Билеттерди театрдын кассасынан жана ticket.kg, kassir.kg сайттарынан сатып алууга болот.