Минсельхоз КР: Сүт берүүчү малдарды жасалма уруктандыруу үчүн жабдуулар сатып алынды

‹›

Кыргызстандын айыл чарба министрлиги

Бишкек. Ветеринария, мал чарбачылыгын өнүктүрүү, жайыттар жана азыктарды камсыздоо кызматтары ири мүйүздүү малды жасалма уруктандыруу үчүн заманбап жабдууларды сатып алды. Бул тууралуу Кыргызстандын айыл чарба министрлигинен билдиришти.

Суу ресурстары, айыл чарба жана кайра иштетүү өнөр жайы боюнча биринчи орун басары Жаныбек Керималиев сатып алынган жабдуулар менен таанышып, долбоордун аткарылышын жана жабдуулардын сапатын текшерди. Жабдуулар Дүйнөлүк банктын “Устундукка ээ агро азык-түлүк кластерлерин өнүктүрүү” долбоорунун алкагында сатып алынган. Бул долбоор агробизнес үчүн атаандаштык борбору аркылуу ишке ашырылууда.

Сатып алынган комплектациялар, муздатылган урукту узак мөөнөт сактоого арналган Дьюар идиштери жана жасалма уруктандыруу процессин сапаттуу жүргүзүү үчүн зарыл болгон башка атайын жабдуулар менен камсыздалган.

Жасалма уруктандыруу – мал чарбачылыгында продуктивдүүлүктү жогорулатуу жана генетикалык жактан жакшыртуу үчүн маанилүү ыкма болуп саналат. Бул технологиянын жардамы менен фермерлер малдын тукумун жакшыртып, өндүрүмдүүлүгүн арттыра алышат. Мындай жабдууларды колдонуу айыл чарба тармагында жаңы мүмкүнчүлүктөрдү ачып, азык-түлүк коопсуздугун камсыздоого жардам берет.