Бишкекте 12 айдын ичинде 1917 трансформатор оңдолду

‹›

Бишкекте энергетика тармагын өнүктүрүү жана 2025-2026-жылдардагы күз-кыш мезгилине даярдык көрүү максатында электр тармактарынын ишенимдүүлүгүн жогорулатуу боюнча иш-чаралар жүргүзүлүүдө. Бишкек электр тармактарынын ишканасы тарабынан жүргүзүлүп жаткан бул иштерге техникалык тейлөө, оңдоп-түзөө, жаңы электр өткөрүү линияларын куруу жана реконструкциялоо кирет.

Быйыл Бишкекте жаңы 110/10 кВ «Мурас» жогорку вольттуу подстанциясы курулуп, пайдаланууга берилди. Бул подстанция заманбап жабдуулар менен жабдылган, анын ичинде 40 000 кВА кубаттуулуктагы трансформатор, 110 кВ электр газ өчүргүчтөр, 110 кВ ажыраткычтар жана 10 кВ сыртка орнотулган комплекттүү бөлүштүрүүчү жабдуулар бар.

2025-жылдын 12 айынын жыйынтыгы боюнча, төмөнкү иштер аткарылды: 220-110/35 кВ чыңалуудагы 6 подстанциянын жабдуулары капиталдык оңдолду; 336 трансформатордук подстанция (ТП) 6–10/0,4 кВ; 26,7 км 220-110/35 кВ электр өткөрүү линиялары; 148 км 10–0,4 кВ электр өткөрүү линиялары оңдолду. Ошондой эле, учурдагы оңдоп-түзөө иштерине 47 подстанциянын жабдуулары, 1917 трансформатордук подстанция, 560 км 220-110/35 кВ электр өткөрүү линиялары, 2175 км 10–0,4 кВ электр өткөрүү линиялары жана 891 км 10–0,4 кВ кабелдик линиялар кирет.

Реконструкция жана капиталдык курулуш пландарынын алкагында 12 ай ичинде 2850 акылдуу эсептегич орнотулду, 87 км электр өткөрүү линиялары СИП-2 зымдарына алмаштырылды, 31 км кабелдик линиялар заманбап полиэтилен кабелдери менен алмаштырылды, 32 км электр өткөрүү линиялары СИП-3 зымдары менен тартылды, 6 км кабелдик линиялар орнотулду жана 33 трансформатордук подстанциянын кубаттуулугу жогорулатылды.

Энергетика тармагындагы бул иштер өлкөнүн энергетикалык коопсуздугун камсыз кылууга жана элге сапаттуу электр энергиясын жеткирүүгө багытталган.