Тоо-Ашуу өтмөгүндө айдоочуларга ысык чай жана тамак берилүүдө

‹›

Бишкек — Ош жолунда жаман аба ырайы себептүү токтоп калган айдоочуларга ысык чай жана тамак-аш берилүүдө. Чүй облусунун Жол кыймылынын коопсуздугун камсыздоо башкармалыгынын маалыматына ылайык, туман, кар жана температуранын төмөндөшү менен Тоо-Ашуу ашуусундагы кыймыл убактылуу кыйынчылыктарга дуушар болду. Көпчүлүк жүк ташуучу унаалардын айдоочулары Сосновка айылындагы постто жолдун ачылышын күтүүгө мажбур болушууда.

Жол кыймылынын катышуучуларын колдоо үчүн УОБДД кызматкерлери ысык тамак-аш берүүнү уюштурушту. Ошондой эле, укук коргоо органдары айдоочуларга жол кыймылынын эрежелерин катуу сактоону, аралыкты кармап турууну, унаалардын техникалык абалын текшерүүнү жана кышкы шинага алмаштырууну эскертишти. Учурда Чүй облустук ички иштер башкармалыгынын УОБДД кызматкерлери Бишкек — Ош трассасында 24 саат бою кызмат өтөп, коопсуздукту камсыздап жана кыймылдын жөнгө салуусун жүргүзүүдө.