Налогчылар акциздик маркалары жок 3,4 миң литр мотор майын аныкташты

Бишкек шаарында Мамлекеттик салык кызматынын кызматкерлери рейддик салык контролун жүргүзүп, акциздик маркалары жок мотор майын аныкташты. Текшерүү учурунда, Первомай районунда жайгашкан складда жалпы 3 миң 400 литрден турган 170 канистра мотор майы табылган. Ошондой эле, ар кандай жүк ташуучу унаалардын муздатуу системасына тиешелүү 75 радиатор да акциздик маркаларсыз жана баштапкы коштоочу документтерсиз табылган.

Алынган маалыматтар боюнча, бул продукциянын сатуу максатында сакталгандыгы болжолдонууда. Мамлекеттик салык кызматы тарабынан тиешелүү актылар түзүлүп, текшерүү материалдары укук коргоо органдарына өткөрүлүп берилет. Бул иш-аракеттер юридикалык баа берүү жана тиешелүү чараларды көрүү үчүн жүргүзүлүп жатат.