Жаңы поезддардын расписаниеси: жүргүнчүлөр үчүн ыңгайлуу, Бишкектеги тыгындарды азайтуу

Бишкек шаарында «Кыргыз темир жолу» мамлекеттик ишканасы 2025-жылдын 10-ноябрынан баштап, пригороддук поезддер жаңы график боюнча жүрө баштайт. Бул график шаардагы транспорттук жүктөмдү жана пригороддогу жашоочулардын муктаждыктарын эске алуу менен иштелип чыккан.

Жаңы графиктин негизги максаты — пригороддук темир жол каттамдарынын натыйжалуулугун жогорулатуу, жүргүнчүлөр үчүн ыңгайлуу шарттарды түзүү жана Бишкек шаарындагы жолдордогу жүктөмдү азайтуу. Ушул себептен, атайын таң эрте жана кечки рейстерге көңүл бурулду. Бул өзгөртүүлөр Бишкекке жумушка же окууга бараткан адамдардын убактысын үнөмдөп, жумуш күнү башталгандан кийин үйүнө кайтуусун жеңилдетет.

Жаңы график Бишкек менен пригороддордун транспорттук байланыштарын жакшыртып, темир жол транспортунун пайдалануусун арттырууга, ошондой эле жеке автоунааларга жана маршруттук таксилерге альтернатива катары темир жолду колдонууга кызыгууну жаратат.

Жаңы пригороддук поезддердин маршруту боюнча маалымат:
– Поезд №6063/6064 «Бишкек – Каинды – Бишкек»:
– Бишкек-2 станциясынан 18:40та чыгып, Каиндыга 20:57де жетет.
– Каиндыдан 06:00da чыгып, Бишкек-2ге 08:20да келет.
– Жолдо болуу убактысы — 2 саат 20 мүнөт, 14 токтоп туруучу пункту бар.

– Поезд №6050/6051 «Бишкек – Токмок – Бишкек»:
– Бишкек-1 станциясынан 18:22де чыгып, Токмокко 20:28де жетет.
– Токмоктон 06:30да чыгып, Бишкек-1ге 08:35те жетет.
– Жолдо болуу убактысы — 2 саат 10 мүнөт, 13 токтоп туруучу пункту бар.

Толук графикти railway.kg сайтынан таба аласыз. Суроолор үчүн байланыш номерлери: (0312) 300 209, (0705) 076 696 — WhatsApp.