Кыргызстан менен АКШ саясий диалогду жана экономикалык кызматташтыкты күчөтүүнү талкуулады

Бишкекте Кыргызстандын Америкадагы элчиси Айбек Молдогазиев менен АКШнын Мамлекеттик департаментинин Борбордук жана Түштүк Азия боюнча жардамчысы Пол Капурдун ортосунда жолугушуу өттү. Жолугушуунун жүрүшүндө тараптар Кыргызстандын жана АКШнын ортосундагы кызматташтыкты чыңдоо, саясий диалогду өнүктүрүү, өз ара иш-чараларды уюштуруу жана соода-экономикалык байланыштарды кеңейтүү маселелерин талкуулашты. Ошондой эле, жакында өтө турган C5+1 саммити боюнча да өзгөчө көңүл бурулду. Жолугушуунун соңунда тараптар Кыргызстан менен АКШнын ортосундагы өз ара пайдалуу кызматташтыкты мындан ары да бекемдөөгө даярдыктарын билдиришти.