Кыргызстандык продукция Кытайдагы айыл чарба көргөзмөсүндө кызыгуу жаратты

‹›

Кыргызстандын экономика жана соода министрлигинин Кытайдагы соода өкүлчүлүгү 2025-жылдын 25-29-октябрында Янлинь шаарында өткөн жогорку технологиялуу айыл чарба жарманкесине катышты. Бул иш-чарада Кыргызстандын стенди уюштурулуп, өлкөнүн айыл чарба продукциялары, анын ичинде бал, кургатылган жемиштер, жаңгактар, түрдүү таттуулар жана башка товарлар көрсөтүлдү.

Жарманкеге катышуу Кыргызстандын айыл чарба секторунун экспорттук потенциалын көрсөтүүгө жана кытайлык өнөктөштөр менен байланыштарды түзүүгө мүмкүнчүлүк берди. Ошондой эле, Кыргызстандын соода өкүлчүлүгүнүн өкүлдөрү ШОС өлкөлөрүнүн айыл чарба продукцияларын илгерилетүү жана сатып алуу маселелери боюнча өткөн жыйынга катышты. Бул жыйында Кыргызстандын экспорттук мүмкүнчүлүктөрү талкууланып, айыл чарба тармагында кызматташтыкты кеңейтүү боюнча келечектеги пландар менен бөлүштү.

Мындай иш-чаралар Кыргызстандын агрардык секторунун өнүгүшүнө жана эл аралык рынокто атаандаштыкка жөндөмдүү болуусуна чоң салым кошот.