Кыргызстанда мектептердин жанында зыяндуу азыктарды сатууга тыюу салуу сунушталууда

Бишкек шаарында билим берүү мекемелеринин санитардык-эпидемиологиялык талаптарын жакшыртууга багытталган жаңы мыйзам долбоору коомдук талкууга чыгарылды. Бул долбоорго ылайык, мектептердин жанында 100 метр радиустагы аймакта зыяндуу тамак-аш өнүмдөрүн саткан соода объекттерин жайгаштырууга тыюу салынат.

Эгер мектептер тыгыз курулуш аймактарында жайгашса, төрт кабатка чейин имарат курууга мүмкүндүк берилет. Жогорку кабатта кызматтык, эс алуу жана кошумча бөлмөлөр, мисалы, психолог, логопед жана социалдык педагог сыяктуу адистердин кабинеттерин жайгаштыруу сунушталууда.

Мектептер адаптацияланган имараттарда жайгашкан учурда, алардын ичинде билим берүү класстары, тамактануу бөлмөлөрү, медициналык кабинеттер, эс алуу жайлары, административдик жана чарбалык бөлмөлөр, санитардык түйүндөр жана гардеробдор болушу керек.

Библиотекалар, столовкалар, спорт залдары же акт залдары үчүн подвалдарды пайдалануу санитардык нормаларга ылайык жарык, вентиляция жана температура режимдерин сактоо шартында гана мүмкүн. Спорт залдарында балдар үчүн өзүнчө кийим алмаштыруучу жана даараткана жайларын, ошондой эле душ бөлмөлөрүн уюштуруу сунушталууда. Эгер мектепте өзүнүн спорт залы жок болсо, жакынкы спорттук имараттарды пайдаланууга уруксат берилет.

Бул өзгөртүүлөр билим берүү мекемелеринин санитардык шарттарын жакшыртууга жана окуучулардын ден соолугун коргоого багытталган.