Марат Иманкулов Москвадагы «Россия жана ТМД элдери» эл аралык фестивалында катышты

Кыргызстандын мамлекеттик катчысы Марат Иманкулов Москвада өтүп жаткан «Россия жана ТМД элдери» эл аралык фестивалына катышты. Бул иш-чара 31-октябрдан 5-ноябрга чейин уланат. Фестивалдын негизги максаты – көп улуттуу элдердин руханий жана улуттук баалуулуктарын, тарыхый мурасын жана маданиятын бекемдөө.

Пленардык жыйында Марат Иманкулов Кыргызстан гуманитардык жана маданий кызматташтыкты улуттук коопсуздукту камсыз кылуунун, руханий биримдикти чыңдоонун жана туруктуу өнүгүүнүн негизги багыттарынын бири катары карай турганын белгиледи. Ал Кыргызстан, Россия жана ТМД өлкөлөрүн бириктирген терең тарыхый жана маданий байланыштарды айтып өттү. Ошондой эле, улуу жазуучу Чингиз Айтматовдун чыгармачылыгы адамзаттын руханий биримдигинин символу экенин баса белгиледи.

Мындан тышкары, Иманкулов Кыргызстанда жаштарды руханий жана маданий жактан тарбиялоого багытталган «Евразия жаштары – жалпы келечек» программасы жана тарыхый эстеликтерди сактоого арналган «Живая история» долбоору ийгиликтүү ишке ашырылып жатканын маалымдады. Бул программалар жаш муундун тарбиясында жана улуттук иденттүүлүктү сактоодо маанилүү роль ойнойт.