Имущества Кулматова и иже с ними должны перейти в собственность государства
Камчыбек Ташиев: Накопилось много чего, о чем нужно заявить после священного поста
Жумалиев, Нышанов, Мадеминов – страдают синдромом устойчивого лизоблюдства?
Икрамжан Илмиянов, известный в народе как «шоопур» 6 лет крышевал свое детище – бизнес империю
Икрамжан Илмияновдун Нью-Йорктогу кымбат мектепте окуган кыздарынын сүрөттөрү жарыяланды - ФОТО
Гүлжан Шерипбаева, журналист: «Мен сага Айчүрөк Иманалиева эмесмин, менде мейманканада «ахалаган» видеотасмаң бар!»
Чайхана «Нават» – это совместный бизнес бывшей секретарши Атамбаева и его жены...
«НочЬка удалась!»: О богемной жизни Саадат Акаевой.
На самого близкого человека экс-президента Икрама Ильмиянова наденут наручники сразу после его возвращения из хаджа
Атамбаевдин доодон баш тартуусу айкөлдүк эмес, Атамбаев буга мажбур болду, аргасыздык...
КТРКнын директорунун орун басары Жылдыз Жумабекованын кысымы –журналист Чынара Токонованы инсультка жеткирди
Туйгунаалы Абдраимов: «Во власти Кыргызстана есть два шизофреника. Один из них - Алмазбек Атамбаев»
Темные деяния: Манас Арабаев отобрал у китайцев ресторан «Синхуа» ...
Издөө
Автордук макалалар
  •   Шайырбек Абдырахман: "Саясий куугунтук болуп жатат" -деп элге жар салаардан мурун "көчүк" жагыңарды бир кылчайып карап алсаңар боло!”
  •   Нургазы Мусаев: "ТЭЦ боюнча контрабандист, базарком, жарым криминал депутаттар түшүнбөй эле калчылдап жатышат"
  •   Бейшенбек Бекешов: «Аны Сапарчик, сары, бала, балашка деп теңсинбегендер бери эле дегенде абдан жаңылышат»
  •   Эльмира Мадиева, журналист: «Чоң атам эки жолу катуу жарадар болуп, үчүнчүсүндө сол колунан ажыраган экен»
  •   Эрнис Кыязов, атамбаевчил журналист Ложниковго жооп берди: “Интеллигенция неге унчукпайт ыя, Димике?..”
  •   Адилет Айтикеев: “Таластыктар четте калды дегенин окуп зээним кейиди, качан жердешчилдиктен көтөрүлөбүз туугандар?”
  • » » Азамат Кыязов, журналист: “Сооронбай ага, күтүүбүз чексиз. Күткөнүбүз эле – акыйкаттуулук, мыйзамдуулук!”

    Азамат Кыязов, журналист: “Сооронбай ага, күтүүбүз чексиз. Күткөнүбүз эле – акыйкаттуулук, мыйзамдуулук!”

    16 апр 2018, 12:02    bishkek
    0 комментарий    247

    СООРОНБАЙ АГА!

    Окуйттурсуз… Алыскы сапардын ара-чолосунда. Акыркы төрт күн ичинде Сизге эреркеп, Сизди сүрөп, жонундагы оор жүктөн арылгандай “дуу” эте түшкөн көпчүлүктүн демин байкадыңыз да. Элдин ушул эмоциясынан, кубанычынан эле “кеменин курсун” аныктасаңыз болот. Билесиз, сабыр тутунуп, үмүткө байланып жашаган чыдамкай элбиз. Күтүүбүз чексиз. Күткөнүбүз эле – акыйкаттуулук, мыйзамдуулук, бандиттик башкаруунун аягына чыгышы.

    Мен эми кеңешчиңиз болбогондон кийин, акыл үйрөтүүдөн алысмын. Тек, кыргызга кайдыгер эмес кыргыз катары, көмөкөйүмдө турган ээн-жайкын сөздү айткым бар. Сиздин аракетиңизге абай салып, мындай ойго жетеленүүдөмүн: Балким, эл-журттун үнү Кудайга жеткендир... депчи. Анткени оозуңуздан элдин мүдөөсүнө айкалышкан сөз куюлуп, калемиңизден журттун тилегине жараша кол коюлуп атат. Анчалык ынабаганымды жашырбайм. Себеби, “КСДП”, “дос”, “2040-жылга карата өнүгүү стратегиясы” дегендерге маанилеш “Кыргыз көчү жолун улайт!” саясий урааныңыз менен “Коррупцияга каршы күрөш!” чакырыгыңыз бири-бирине саал жугушпай турганы. Анүстүнө “досуңуздун” жыйырманчы жылды жыттабай жатып, кыркынчы жылга чалма ыргытканын көрүп: Володя менен Диманын “опутуна” салып, алмак-салмак өлкөнүн өпкөсүн үзө чаап жүрүп отурушабы дедим эле, оро-пара окуя башкача өңүттө өөрчүй баштады.

    Ошондой эле болсун. Сиз бийлик нугун өзгөртүңүз. Элди алдап, тоноп башкаруу - өткөн жыл менен кетсин! Мына, тышкы карызы нөлгө барабар өзбек бийлиги “кыркынчы жыл” деп кыйкырбай эле, кырк күндө кыштагын шаарга айлантты. Шавкат Мирзиёевдин кылган-неткенин карап, - Өзбекстан эмес, Орто Азияга падыша болчу зээри бар экен, - деп шыпшынып отурабыз. Сиз деле дараметиңизди далилдечү кырда турасыз. Дилиңизде элдик ажо болууну эңсөө күч экенин сездирүүдөсүз. Эл жүрөгүнөн орун алуу, “экстердин” көзүнөн учкан тейден кеткен “Журт атасы” атыгуу – албетте, ооматтын ооматы. Эркиңизди бекемдеп, ниетиңизди курчутсаңыз эле ал даражага жетесиз. Маселен, Сиз коррупция менен күрөшпөңүз, Сиз коррупцияны талкалаңыз! Коррупция менен колунда бийлиги жоктор күрөшөт. Бөркүңүздөй көрүңүз, кай тармакта, кандай өлчөмдөгү коррупция болбосун, КСДПны кыйгап, “досуңузду” айланып өтпөйт. “Ушулардын аркасы менен ажо болуп алып, кайра кантип буларга иш козгойм?”, - деген “ыйман кемирген” ойго буйдалбаңыз. Хан тактысы - тагдырдан, Кудайдан. Ханда дос болбойт. 

    “Дос” демекчи, акыр замандын түшүнүгүндө дос - “бизнес-өнөктөш”. Азыркы достор: “Досум өлүп калды”, - деп табак башында тишин чукуп отура берет, апталап бөк түшүп аза күтпөйт...
    Аттын жоорундай “үй-бүлөлүк-кландык башкаруу” деген жарлык кыжаалаттык жаратаары турган иш. Бирок, ал жарлыкты жакшы жагына оодарып кетүү биртуугандарыңыздын мээсиндеги оокат. Кандай гана башкаруу болбосун, президенттикпи, парламенттикпи, “кландыкпы” же “клансызбы”, Кыргызстан карызга гана батып келе жатат. Керек болсо, “клансыз башкаруудан”, тагыраагы “достук башкаруудан” катуу жабыр тарттык го!.. Муну мен айтпасам - ким айтат?!)) “Досуңуз” коррупция менен күрөшүп атам деп А.Келдибековду камады (анын ичкен-жегенин санап, КТР жаран аттуунун баарына жаттаткан) эле, “апакай” чыкты. Н.Түлеевди жапты эле, ал түрмөдө жатып чоң дүкөнүн салып бүтүрдү ж.б.. 
    Кыскартайын, ага, “коррупционер” деген сөз – “ууру” деген эле сөз да туурабы? Ууру кармалганда уурдаганын кайра бериши керек. Уурдап бир сыздатып, бербей эки сыздатпайчы. Ушул жерден мындай сунуш киргизгим келет: Улуттук банктан “Тышкы карыздан кутулуу” эсебин (счёт) ачпайсызбы да, ошол эсепке уурулардан өндүрүлгөн сумманы чогултпайсызбы. Ал эсеп онлайн аркылуу элге көрүнүп турсун. Мисалы, А.Шыкмаматовдун 5 миллион сомунун 3 миллиону түштү деп. Этекки 20 жыл ичинде ким чиновник болгон болсо, ким мамлекеттик мекемени жетектеген болсо, баарын текши чоң-кичине дебей жакшылап кайра бир “кызыл электен” өткөрсөңүз - карыздан кутула жаздайбыз. Бул кадамды жасасаңыз карапайым эл Сизге кепилдиктүү армия болуп берет.

    Ал армия - ак жеринен чанжырак сурактарга чайналып ден соолугунан ажырап абакта жаткандардан, Орусиянын кар-музунан маяна издеп талаалагандардан жана маанисиз бийликтин курмандыгына чалынып, таланты, билими, жумушу, турмушу, жандүйнөсү майдаланып күкүмгө айланган миңдеген тагдырлардан куралат...

    Азмат Кыязов, журналист.скачать dle 12.0
    Кликните на изображение чтобы обновить код, если он неразборчив